Raporto: septembro 2020

Temo: Travivaĵoj en la lastaj monatoj” (La invito  )

Dato: Kunveno okazinta la 16-a de septembro 2020-a en “De Uitwijk”, Eindhoven je la 20-a horo.

Ĉeestantoj: An, Marije, Jeannette, Ralph, Karina kaj Micha (6).
Sciigis neĉeeston: Tonnie, Rob, Catrien kaj Coby (4)

Tiu ĉi kunveno estas orgnizita far An. En marto, aprilo, majo kaj junio EKE ne kunvenis pro la kronviruso. Nun, post la somero, kiam singarde kelkaj grupaj kunvenoj denove eblas, An kontaktis De Uitwijk por demandi ĉu kunveno eblas kaj kiamaniere tion organizi. Ni ricevis la iom pli grandan salonon numeron 3 (anstataŭ la kutiman salonon #4). En tiu ĉi salono ni povas kun 6 personoj teni distancon de 1,5 metroj.

Komunikoj

• Peter Erkelens malaliĝis kiel klubano. Li sentis ke li ne sufiĉe progresas kun Esperanto kaj ne plu povis kombini Esperanton kun aliaj okupoj.
• Pro malboniĝanta vido Jeannette petas ke iu alia transprenu la protokoladon. La ĉeestantaj EKE-anoj dankas al Jeannette pro la protokolado kiun ŝi dum tiom longa tempo faris por EKE. Por tiu ĉi kunveno Ralph transprenas la protokoladon kaj oni proponas ke ĉiufoje alterne iu alia faros la protokolon

Antaŭa protokolo:

Jeannette laŭtletgas la lastan protokolon de 19 februaro 2020.

Programo: Travivaĵoj en la lastaj monatoj”

Ĉiuj parolis laŭvice pri la kronvirusa printempo kaj pri la ferioj kiuj por multaj estis aliaj ol en antaŭaj jaro.

• Micha
  Micha laboris la tutan kronvirusan tempon, ĉefe de sia hejmo. Nur unufojon semajne li iras al la oficejo. Li libertempis dum unu semajno en la vilaĝo Vogelenzang.
• Jeannette
  Jam delonge Jeannette planis partopreni en kunveno en naturamika domo, sed pro la viruso tiu estis nuligita. Pro la sama kialo provizore restas nerealigita alia plano: vizito al Giethoorn. Dum la pasintaj monatoj ŝi ja eliris ĉiutage per aŭtobuso por vespermanĝo en la alia flanko de la urbo.
• Mareje
  Marije havis multajn planojn por 2020, kiu estas ankaŭ festa jaro por ŝi. Ĉi-jare ŝi fariĝos 80-jaraĝa kaj festos ankaŭ sian 55-jaran geedziĝon. Por tiu ĉi jaro ŝi planis libertempon kaj ekskursojn al Barcelono, Vieno kaj Svislando, sed devis ĉiujn nuligi pro la kronviruso. Ŝi reprovos denove vojaĝi en 2021. Anstataŭe libertempo en kastelo en Helden-Panningen estas planita. En la pasintaj monatoj Marije multe biciklis.

En la paŭzo ni gustumis de kuko bakita de Micha kaj ni parolis pri diversaj temoj, interalie pri lingvoj kaj bakado.
Post la paŭzo rakontis

• Karina
  La kronviruso donis ankaŭ iom da ekstra tempo kaj trankvilo en la vivo de Karina. Ŝi planis vojaĝon al Svedio sed devis ĝin nuligi. Anstataŭe ŝi faris aliajn aferojn, ekzemple ŝi sekvis jogo-programon. Karina okupiĝis ankaŭ pri pentrado en la propra ateliero. Ŝi dediĉis tempon al la serĉado kaj esplorado de poemoj kaj partoprenis en Zoom-konferenco kun homoj en la Kastelo Greziljono.
• An
  La komenco de la virusa periodo kaŭzis ke en la hejmo de An subite estis multe da aktivaĵoj: kaj An kaj la edzo laboris de la hejmo kaj ankaŭ la infanoj dum kelka tempo revenis al la domo. An feriis en Svislando kaj en Francio. En Svislando ŝi kaj la familio faris multajn promenadojn kaj ne rimarkis multon de la viruso. En Francio ŝi evitis kelkajn urbojn kaj lokojn kie kunvenis tro multe da homoj en urbocentroj kaj publikaj lokoj. En laboro ŝi jam kunvenis plurfoje per Zoom en kunvenoj anstataŭ havi fizikajn kunvenojn.

 

Raportis: Ralph Schmeits

• Superrigardo pri ĉiuj raportoj