Programo

Temo: Koloraj rakontoj

• La programon prizorgos Rob.

Jam kelkfoje Rob prezentis al la klubo kolorajn rakontojn: tiuj estas enigmoj pri diversaj temoj. Komence tiu serio enhavis nur nigrajn rakontojn. Intertempe la elekto iĝis pli granda: ne nur aperis pli da nigraj rakontoj, sed ekzistas nun ankaŭ aliaj koloroj. La kolekto ampleksas nun inter alie:

• Nigraj rakontoj: Pri morto (intenca aŭ... ne), kaj aliaj fatalaj kazoj.
• Blankaj rakontoj: Pri fantomoj kaj aliaj supernaturaj estaĵoj.
• Oranĝaj rakontoj: Pri ferioj kaj vojaĝoj.
• Flavaj rakontoj: Varmaj enigmoj pri dezerto kaj prerio.
• Verdaj rakontoj: Pri naturo (bestoj kaj arboj/plantoj).
• Bluaj rakontoj: Malsekaj enigmoj pri maroj kaj akvo-veturado.
• Arĝentaj rakontoj: Pri spaco, spacveturado kaj eksterteruloj.

Ĉiu skatoleto enhavas 50 kartojn; ĉiu karto estas por unu enigmo (mistero). Sur la antaŭa flanko troviĝas mallonga teksto kaj bildo pri iu okazaĵo. Sur la dorsa flanko staras pli longa teksto kun klarigoj kiel tio povis okazi.

En tiuj enigmoj la “konanto” laŭtlegas la etan tekston sur la antaŭa flanko, kaj montras la karton (kun la akompana bildo). Post tio la cetero de la grupo provas eltrovi kiel okazis tio kion ili ĵus aŭdis. Por tio ili starigas al la konanto demandojn (prefere mallongajn!) kiuj estas respondeblaj per “jes” kaj “ne”.

Rob denove estos la “konanto”; li laŭtlegos la enigmojn. La aliaj ilin solvu.

Por vi la mistero antaŭ la klubkunveno estas: kiun koloron li nun elektis?

La invito por la kunveno en PDF-formato .