Raporto: majo 2008

Temo: La Esperanta alfabeto

Dato: Kunveno okazinta la 21an de majo 2008a en “Henriette Roelants Centro”, Eindhoven je la 20a h.

Ĉeestantoj: Ru, Catrien, Frits, Wieb, Willy, Jans, An, Jeannette, Carsten, Ralph, Mareje, Piet, Rob (13).
Sciigis neĉeeston: Sam (1).

Sam ne ĉeestas pro la 33-jara geedzeco kun la edzino Nonny. Oni subskribas gratulkarton por ili.

Nia prezidantino Catrien malfermas la vesperon je 20:00h.

• Unue multajn gratulojn al Jans pro ŝia 90-jara naskiĝ-datreveno! Ru kaj Catrien jam pli frue sendis bukedon nome de la klubo kaj nun ili transdonas plian donacon, nome la libreton "Ksenofobia Gvidlibro al la Nederlandanoj".
• Frits faris kaj voĉlegas poemon specialan pro la festo de Jans. Sekvis memoraĵojn pri i.a. Sigismundo Pragano kaj Andrea Cseh. Jans rakontas ke antaŭ la milito ŝi partoprenis en katolika kongreso en kiu ŝi gajnis la ĉefpremio de eĉ 10 guldenoj en poema konkurso.
• Catrien kaj Ru dankas pro ĉiuj donacoj kaj gratuloj pro ilia 60-jara geedzeca festo, kies oficiala dato estas la 8-a de majo.
• Envenis la informo ke la germana esperantisto Bernhard Eichorn ricevis la honoran distingon 'Bundesverdienstkreuz fűr Verstandiging zwischen Vőlkern und Nationen', aparte pro lia agado per Esperanto. La klubo decidis sendi retmesaĝan gratulon al li.
• An informas pri invito de la belga Limburga Esperanto-Klubo por la 12-a de junio en Eijsden-Maasmechelen. Tie oni organizos kunvenon en trinkejo kiu portas la nomon 'Esperanto'.
• Ralph legas raporton pri la ekskurso en Essen-Werden en Germanio kiu okazis la 19-an de aprilo. Partoprenis en ĝi krom Ralph, Jeannette, Catrien van Heugten kaj Julia (TEJO-voluntulino el Roterdamo)
• Ralph informas pri la jarkunveno de Esperanto Nederland venontan sabaton en Utreĥto.
• Ralph legas kelkajn ŝercojn el Juna Amiko.
• Carsten serĉas la libron PAG (Plena Analiza Gramatiko de Esperanto).

Programo: La Esperanta alfabeto

Rob prizorgas la ceteron de la vespero. Per (malnovtipa) lumprojekciilo li montras po unu desegnaĵon ĉe ĉiu litero de la Esperanta alfabeto. Oni devas diveni po minimume 4 vortojn kiuj estas kaŝitaj en la desenaĵoj. Ofte oni trovas eĉ pli.

Dankon al Rob pro la prepara laboro kaj agrabla vespero.

En la paŭzo Jans regalis nin per kafo kaj teo kaj ĉokoladoj pro sia datreveno.

La vespero finiĝas je 22:00h.

 

Raportis: Ralph Schmeits.

• Superrigardo pri ĉiuj raportoj