Esperanto-Klubo Eindhoven
Jarraporto 2010
Je la fino de 2010 la nombro de niaj membroj estis 17, plus 2 donacantoj.
Meznombro de 11 vizitis niajn klubvesperojn.
La klubo kunvenis 8 fojojn, en Henriëtte Roelants Centrum.
En januaro ni ludis skrablon.
En la postaj monatoj:
- Ni verkis rakontojn laŭ la metodo: skribu unuan frazon, kovru ĝin kaj transdonu la paperon al najbaro.
- Ni faris tradukon en Esperanton de teksto pri la printempo de Guido Gazelle.
- El kolekto de vortoj ni forstrekis unu vorton kiu ne apartenis al la kategorio.
- Ni pridiskutis la raporton de la komisiono kiun instalis Esperanto Nederland por pripensi la estonton de ĉi tiu asocio.
- Ni ludis bingon pri longaj kaj mallongaj nombroj.
- Ni rakontis pri niaj libertempoj.
- Ni priparolis la taskoj-dividon inter niaj klubmembroj por la klubvespero-programoj.
- Vizitis nin Sro Ed Borsboom kaj S-ino Els van Dijk por prelego pri la Konversaciaj Vortaroj de 1930 kaj 2010.
- Ni rakontis pri nomoj de stratoj en kiuj ni loĝis kaj loĝas.
- Ni admiris la novan broŝuron “Ontdek het Esperanto”, aĉetis E-glubkrajonojn, E-poŝtmarkojn kaj broŝurojn.
- Ni ludis kartludon dum kiu ni kompletigis proverbojn.
- Ralph kaj Twan organizis 2 internaciajn renkontiĝojn, respektive en Essen kaj Helmond.
- En decembro ni rememoris doktoron Zamenhof
Raportis: Cobi.