Raporto: septembro 2022

Temo: Travivaĵoj en la feriaj monatoj (La invito  )

Dato: Kunveno okazinta la 21-an de septembro 2022a en “De Uitwijk”, Eindhoven je la 20a h.

Ĉeestantoj: An, Tonnie, Rob, Cobi, Marije (5).
Sciigis neĉeeston: Karina, Ralph (2).

Komunikoj

Pro doloraj fingroj mi ne ĉion notis!

• An bonvenigas nin. Kaj tuj ekestis problemoj flanke de tekniko!!
• Mareje resumis la kremacian ceremonion de Piet Damman, kie ĉeestis 4 membroj de EKE. Voĉlegis nekrologon, poste sendota al Fenikso.
• Catrien van Heugten ekmembriĝis.
• Ralph estas malsana.

Estas informoj pri pasintaj kaj estontaj kunvenoj, i.a. la studsemajnfino de Esperanto Nederland.

Raporto pri la antaŭa kunveno

Ĝi mankas, neniu scias kiu verkis ĝin.

Programo: Travivaĵoj en la feriaj monatoj

Ĉiuj klubanoj rakontis ion pri la someraj monatoj.

• Cobi rakontas pri ĉiutaga promenado per sia “rulapogilo”. (vorto trovita per la langla lingvo) al la manĝejo en la ĉefa konstruaĵo. Krome ŝi entuziasme parolis pri semajnan “rulseĝo” promenado en grupo kun helpo de volontuloj. Ŝi amuze diris ”Ege peza por la puŝantoj”!
• Tonnie neferiadis sed ege fiere rakontis pri sia graveda filino, la atendita dato estas la 16an de decembro, trafe ankaǔ la datreveno de la filino mem. Li montris jakon kun emblemo de sia filo, Cornë van Kessel, konata “trakampe veturisto”. Krome li informis nin pri la ĉiutaga vivo en sia hejmo.
• An feriadis en Norvegujo kaj per bildoj ŝi gvidis nin tra tiu bela lando. Montoj, kurbaj vojoj, akvofaloj, praaj lignaj preĝejoj sin prezentis sur la komputilo anstataŭ la mura ekrano. Vere la tekniko ne amis nin tiun vesperon!
• Rob pasis du tagojn en Meijel. En iu granda salono kolektiĝis “lego amantuloj” kiuj profesie konstruis belegajn modelojn. Li mem ankaǔ kontribuis.
• Mareje montris kelkajn bildojn pri ŝia tute ne antaǔviditan someron. La kontraǔo de ferio, fakte ni vivis en reaktivigejo. Sed nun ĉio estas en ordo.

Je la 10.00h An fermis la kunvenon.

 

Raportis: Mareje van Erp. Eindhoven la 22an de septembro 2022.

Noto: Ĉu ni daǔrigu niajn kunvenojn en 2023? Restas tiom malmultaj aktivaj membroj. Kaj se jes, ĉu ni daǔrigas la luadon de De Uitwijk? Eble ni diskutu tion en la venonta kunveno ĉar baldaǔ mi devas sciigi de Uitwijk pri la datoj de la kunvenoj en 2023.
Mi mem ne plu volas esti kontaktpersono kaj adresaro tenanto de EKE ek de 2023. Iu transprenu tiun taskon.
Ĉu bezonas verki notojn pri niaj kunvenoj?

• Superrigardo pri ĉiuj raportoj