Esperanto-Klubo Eindhoven
Raporto: novembro 2022
Temo: Kaŝitaj objektoj(La invito
)
Dato: Kunveno okazinta la 16-an de novembro 2022a en “De Uitwijk”, Eindhoven je la 20a h.
Ĉeestantoj: Jeannette, Marije, Tonnie, An, Ralph, Karina, Rob, Coby (8).
Sciigis neĉeeston: -
Raporto pri la antaŭa kunveno
An verkis kaj laŭtlegas la protokolon de la pasinta oktobra kunveno.
Komunikoj
- Ralph informas pri la Esperantogrupo en Essen/Bochum kiu invitas homojn veni al germana kristnaska bazaro en ĵaŭdo 24 novembro. Ŝajnas ke ĝis nun nur Ralph iros tien.
- Rob proponas organizi la programon en junio 2023.
- An informas pri Zoom-kunveno pri poemoj kiun la E-grupo en Hameln organizos.
- Ralph informas pri la venonta Virtuala Kongreso de UEA, kiu okazos interrete de 24 ĝis 27 novembro 2022.
- Marije memorigas kun ekzemploj pri la diferenco inter preni kaj porti (nemen en brengen aŭ meenemen kaj meebrengen).
Programo: Kaŝitaj objektoj
Mareje organizis tiun ĉi vesperon.
Ŝi ordigis hejme siajn ŝrankojn kaj kunportis diversajn interesajn objektojn el iamaj tempoj.
La objektoj troviĝis en ligna kesto kovrita per tuko.
Ĉiu persono ricevis la vicon por priskribi unu el la objektoj kiuj estis kaŝitaj en tiu kesto.
La persono kun la objekto priskribis ĝian formon, grandecon kaj aspekton kaj ĉiuj aliaj provis diveni kio estas la kaŝita objekto kaj kio estus bona vorto en Esperanto por ĝi. Laŭ tiu maniero ni traktis 14 objektojn:
- aĵo kiu pendis super bebo en lulilo; temis pri eta ornamaĵo kun kristana kruco sur ĝi
- granda paperkunpremilo
- kandeloestingilo
- mura sanktakvujo el metalo kaj vitro
- kartonaĵo kun 6 vestaĵobutonoj
- kartona subglaso
- rulaĵo de mentopasteloj
- ŝtrumpoŝtoplignaĵo
- fingringo
- enŝuigilo (schoenlepel)
- plia mura sanktakvujo, sed tiu ĉi el porcelano
- kurtenaj stangofinaĵoj
- radeto por transpreno de ŝablonoj sur ŝtofo
- hufofero
En la paŭzo Karina ankoraŭ laŭtlegis la poemon "taalbonbon" (lingva pralino) kaj ni kune provis surloke traduki ĝin.
Estis amuza kaj paroliga vespero. Oni dankas al Marije por la organizado.
Protokolis: Ralph Schmeits en 16 novembro 2022.