Esperanto-Klubo Eindhoven
Raporto: majo 2023
)Dato: Kunveno okazinta la 17-a de majo 2023a en “De Uitwijk”, Eindhoven je la 20a h.
Ĉeestantoj: Jeannette, An, Ralph, Rob, Karina, Tonnie (6).
Sciigis neĉeeston: Mareje kaj Monique
Raporto pri la antaŭa kunveno
Rob legis la protokolon de la kunveno en aprilo.
Komunikoj
An havas anoncojn pri venontaj eventoj:
- 21 majo, Limburga Tago
- 10 junio, membrokunveno Esperanto Nederland
- 24 junio kultura tago en Maastricht
- 25 junio, kanuado sur la Dommel
- 28 sept ĝis 1 oktobro: Beneluksa kongreso en Bouillon.
Rob atentigas pri nova retejo: miavivo.net.
Programo: Puzloj
Tonnie pretigis kelkajn puzlojn.
Estis tri krucvortaj enigmoj kaj unu lumbilda enigmo.
Ĉe ĉi tiu lasta Tonnie montris per la lumprojekciilo diversajn fotojn
kaj desegnaĵojn kaj ni rajtis diveni kio estas la vorto en Esperanto
por tiuj montritaj objektoj. Per la puzloj ni lernis diversajn belajn vortojn
kaj vortojn, kiuj estis novaj por multaj el ni, kiel ekzemple:
ampolo, jugo, kleo, epoleto, mikskrano, birdotimigilo, damaska tuko, vanelo, boleroĉapelo, sortobato,
tonelaro, prujno kaj rismo.
Estis tre interesa kaj amuza programo.
Fino : je la deka horo.
Protokolis: Ralph Schmeits en majo 2023.