Raporto: septembro 2023

Temo: Travivaĵoj pasintsomeraj (La invito  )

Dato: Kunveno okazinta la 20-a de septembro 2023a en “De Uitwijk”, Eindhoven je la 20a h.

Ĉeestantoj: Jeannette, An, Ralph, Rob, Karina, Marije, Monique, Tonnie, Cobie (9).
Sciigis neĉeeston: neniu

Raporto pri la antaŭa kunveno

Karina legis la protokolon de la antaŭa kunveno.

Komunikoj

• 29 septembro ĝis 3 oktobro: ludsemajnfino KokoloRes en Schwerte.
• 23 ĝis 26 novembro: virtuala kongreso de UEA.
• 28 sept ĝis 1 oktobro: Beneluksa kongreso en Bouillon.

Programo: Travivaĵoj pasintsomeraj

Ĉiu rakontas laŭvice pri siaj feriaj kaj pasintsomeraj spertoj:

• Marije faris ŝip-biciklad-ekskurson en la printempo. Matene oni forlasis la riverŝipon por bicikli al la sekva haveno, kie intertempe la ŝipo estas alveninta por la vespera programo kaj la tranoktoj. Marije montris bildojn de interalie la bieno Hakfort, la ĉevaloj de Bathmen, biciklado laŭlonge de la riveroj Ijssel, sensuprigitaj salikoj, Hasselt, Zutphen, Kampen, Deventer.
• Monique pretigis enigmon laŭ kiu ni devis diveni en kiu lando ŝi feriis. En la enigmo estis kaŝitaj la jenaj lokoj kaj konataĵoj: pramo, Kiel, Oslo, vikingoj, fjordoj, glaĉero. La vizitita lando estas Norvegio. Ni parolis ankaŭ pri la bela urbo Bergen en Norvegio.
• Tonnie prezentis fotojn de la ĵus okazinta fruktoparado en Tiel. Ni vidis diversajn artaĵojn surĉarajn, kiel balonegoj, ludejon kun svinganta urso, kukurbego, gajaj lamaoj, bakistoj, la 4 sezonoj kun paska leporo por la printempo, papago por la somero, aŭtuna erinaco kaj vintra ursido. Krome videblis ŝakfiguroj, lampionoj, virino kun prunjupo, suno+planedoj kaj luno+steloj.
  La figuroj estis faritaj el fruktoj kaj legomoj kiaj: cepoj, prunoj, pomoj, maizo, kukurbo, tomatoj, fenkolo, beroj.
• Ralph rakontis pri sia ĉeesto kiel oficisto de UEA en la UK en Torino. Kaj ankaŭ pri siaj postaj ferioj en Francio, ĉe la mediteraneo.
• Rob montris bildojn pri sia partopreno en la LEGO-brika evento Lowlug XL en Meijel. Videblis tre belaj kreaĵoj kiel tutblua konstruaĵaro, miniatura butiko, ŝakluda artaĵo, pejzaĝo kun rivero, trajnoj, kamiono, diversaj domoj, mirindaj aferoj, malnovegiptiaj maskoj. Kaj ankaŭ grupe faritaj scenoj kiel kunmetitataj malfermaj ĉambretoj de la mezuro 8 oble 8 da LEGO-distanco, pejzaĝaro kiu estis ligita kun unu komuna vojo, sed cetere komplete diferencis. Rob mem prezentis tie pecon de tiel nomata mikro-urbo.
• An raportis pri sia somera vizito al Italio. Interalie la partopreno en la UK en Torino, sed krome ŝi vizitis kun la familio ankaŭ la lokojn Zubiena (norde de Torino) kaj Rapallo (ĉe Genovo) ĉe la Mediteraneo.
  En la ĉi-jara UK partoprenis 1318 homoj el 69 landoj. An faris ekskursojn al Alba, kasteloj, monaĥejo kaj faris promenadon laŭ la rivero Pado (Po). Ŝi vizitis ankaŭ kelkajn muzeojn, inter alie la egpitian muzeon en Torino kaj aŭtomuzeon. Ni parolis ankaŭ pri kelkaj italaj manĝaĵoj kiel pasto, polpo, blanka trufo, vino, biero kaj pico. An uzis preskaŭ ĉiujn imageblajn transportilojn: aviadilo, buso, tramo, metroo, trajno, boato kaj ŝi vidis multe da Vespa-mopedoj.

Pro cirkonstancoj Cobie, Jeannette kaj Karina ne rakontis pri la someraj tempoj sed aktive partoprenis la vesperon.

Novaj vortoj lernitaj:
akrido + lokusto (beide sprinkhaan), grilo (krekel), prunelarboj (sleedoorn) kaj merluĉo (stokvis).

Fino : je la deka horo.

 

Raportis: Ralph Schmeits.

• Superrigardo pri ĉiuj raportoj