Raporto: januaro 2025

Temo: Skrablo La invito 

Dato: Kunveno okazinta la 15-a de januaro 2025-a en “De Uitwijk”, Eindhoven je la 20-a horo.

Ĉeestantoj: Giulio, Ralph, Rob kaj An (4).
Sciigis neĉeeston: Monique

Raporto pri la antaŭa kunveno

An laŭtlegis la raporton de decembro 2024 kaj ankaŭ la jarraporton de 2024 kiu inkluzivas la financan raporton.

Komunikoj

• Giulio iris al JES 2024 en Ferrières, Belgio de la 27-a de decembro ĝis la 2-a de januaro. Ĝi estis tre bona kunveno, kiun pli ol 120 homoj ĉeestis. Estis multe da prelegoj, festoj kaj teatraĵoj. Li tre ĝuis la kunvenon.
• Rob iros al PSI kiu okazos dum la semajnfino de Pasko. Li aliĝis jam je la 4-a de januaro. Li pensas ke ĝi estos la lasta PSI ĉi-jare
• An menciis la kunvenon PEKO (Printempa Esperanto-Kunveno) okazos dum la Pasko-semajnfino.
  Ankaŭ okazos la Limburga tago je la 27-a de aprilo en Sint-Truiden, Belgio.
• Rob menciis ke la 59-a BET (Baltaj Esperanto-Tagoj) okazos en Kaŭno, Litovio de la 5-a ĝis la 13-a de julio 2025
• An iros al la 45-a jaraĝo de la Movado Sen Nomo je la 26-a de januaro 2025.
• Ralph trovis la malnovan kajeron kiu perdiĝis ekde oktobro 2023. Ĝi kuŝis sur tableto en la hejmo de Coby.

Programo: Skrablo

La programon gvidis Rob.

Ni ludis la ludon Skrablo. Ĝi estas ludo kun tabelo kaj leteroj kaj oni devas meti la leterojn por havigi la plej multe da poentoj. Ni ludis kun kvar teamoj. Ĉar estis 4 ĉeestantaj homoj, ĉiu teamo ekzistis el nur unu homo.

La ludo mem estis farita antaŭ tre longe (eĉ antaŭ la tempo de An) kaj, anstataŭ meti la tabulon sur la tablon, oni pendas ĝin al la muro. La literoj oni metu en tenilojn, en kiuj ili taŭge staras.

Oni povis krei vortojn per nur la radikoj de Esperantaj vortoj aŭ kun finaĵoj kaj afiksoj. Meti la tutan vorton ekde komenco enspezis al oni la tutan poentaron de ĉiuj literoj. Sed se novaj literoj nur aldonis al vorto finaĵo, nur tiu litero estis kalkulita, ne la tuta vorto. Tamen, se la vorto ŝanĝiĝis sufiĉe oni ja kalkulis ĉiujn literojn de la tuta vorto.

La signifo de la koloroj estas jenaj: Verdaj kvadratoj signifas bonuson por unu litero. La hela estas duobla valoro kaj la malhela estas triobla valoro. La ruĝaj koloraj estas bonuso por la tuta vorto. Helruĝa duobligas la valoron de la vorto kaj malhelruĝa triobligas ĝin.

La fina poentaro estis jena: An venkis per 176 poentoj. Gratulon!

Detala poentaro:

Rimarko	An	Rob	Giulio	Ralph
	13	11	21	14
	30	20	34	40
	43	34	47	88
	60	59	50	112
	99	93	77	123
	108	110	95	140
	132	123	106	168
	180	154	130	179
Punpoentoj por havi literojn enmane	-4	-11	-25	-9
Entutaj poentoj	176	143	105	170

Kelkaj fotoj




La vespero finiĝis je la 22:00-a horo.

 

Raportis: Giulio Dioguardi

• Superrigardo pri ĉiuj raportoj