Esperanto-Klubo Eindhoven

Raporto: junio 2025

Temo: Niaj libroj La invito

Dato: Kunveno okazinta la 18-a de junio 2025-a en “De Uitwijk”, Eindhoven je la 20-a horo.

Ĉeestantoj: An, Giulio, Rob, Mareje. (4).
Sciigis neĉeeston: Monique, Ralph, (2)

Raporto pri la antaŭa kunveno

Mareje prelegis la raporton de la antaŭa kunveno.

Rob prizorgis la vesperon dum kiu ni ĉiuj rakontis ion pri legitaj libroj

Mareje rakontis pri la libro Het bloemenmeisje de Anya Niewerra. Ŝi tre ŝatas la fakton ke nur je la fino oni vere scias kio okazis.
Aliaj libroj de la sama aŭtoro: De nomade kaj De kamino.
Giulio rakontis pri la libro Pinokjo de Carlo Collodi. Li lernis multe da nomoj de bestoj kiuj aperas en la libro.
Intertempe ni ankaŭ parolis pri la serio kiun Rob legis de Karen Rose. Li aĉetis novan libron: Say no more.
Ni ankaŭ parolis pri Rondeloj kaj la fakto ke Marjorie Boulton kaj William Auld komunikiĝis inter si pere de rondeloj.
Post la paŭzo, An parolis pri Karlo Elegasto kaj Renardo Vulpo, ambaŭ tradukitaj fare de Jan Doumen. Ŝi ankaŭ sciis ke la libro La mirinda Sorĉisto de Oz fakte estas serio de 16 libroj.
Fine Rob parolis pri la libro Er is er hier maar een de baas de Angelique Kunst. Temas pri lia iama ĉefo Gerard Sanderink kiu estis tre stranga kaj poste ankaŭ manipulita de Rian van Rijbroek.

Je la 22.00-a ni fermis la kunvenon.

Raportis: Notoj faritaj de An Olijslagers