Raporto: februaro 2026

Temo: Kvizo La invito 

Dato: Kunveno okazinta la 18-a de februaro 2026-a en “De Uitwijk”, Eindhoven je la 20-a horo.

Ĉeestantoj: Ronald (nova membro!), An, Giulio, Ralph, Marije, Monique (6).
Sciigis neĉeeston: Rob, Frank (2).

Raporto pri la antaŭa kunveno

Ralph laŭtlegis la antaŭan kunvenan raporton.

Komunikoj

• Giulio festis karnavalon en Best kun NEJ.
• Ralph iris al la funebra ceremonio de Coby.

Venontaj eventoj:

• La Kultura Tago en Veghel okazos la 13an de junio 2026.
  La 18an de marto 2026 ni renkontiĝos je la 2a horo kaj duono en Veghel. Ni sekvu la vojon indikitan de An. Ni ankaŭ vizitos la salonon (ĉe danclernejo) kiun An rezervis. Danclernejo de la Burght.
• 21 April estos la Ĝenerala Asembleo de Esperanto Nederland en Utrecht.
• An montris afiŝojn de du kongresoj en la jaro 2026:
• La Esperanto Studsemajnfino kiu okaziĝos en Ieper, Belgio la 20-an ĝis la 22-an de februaro.
• La Beneluksa Kongreso kiu okaziĝos en De Haan, Belgio la 24-an ĝis la 28-an de septembro.

Programo: Kvizo

An prizorgis la programon.

Kvizo 2026 - Unua Parto: Unikaj proprecoj. Kiuj viraj bestoj estas gravedaj ?
Kvizo 2026 - Dua parto: Unikaj festoj. En kio lando oni festas “Día de los Muertos” ?
Kvizo 2026 - Tria parto: Unikaj arkitekturoj.
Kvizo 2026 - Kvara parto: Aktivaĵo. Dum 5 minutoj, vi faru paperan aviadilon. La aviadilo kiu flugos la plej longa distanco gajnos 5 ekstrajn poentojn.
Kvizo 2026 - Kvina parto: Unikaj sportoj. Ĉi tiu sporto ludiĝas sur ĉevaloj, kie ludantoj provas gajni poentojn per frapado de pilko en la celon de la kontraŭa teamo.La unika aspekto estas la uzo de ĉevaloj, kio postulas altan nivelon de ekvilibro kaj kunordigo.

La gajninto de la vespero estis Giulio. Gratulon!

 

Raportis: Monique

• Superrigardo pri ĉiuj raportoj