Raporto: marto 2026

Temo: La Ruĝa Fadeno. La invito 
Kiel teksaĵoj interplektiĝis kun homa historio. La libro: La ŝtofo de civilizacio de Virginia Postrel estas tre rekomendinda.

Dato: Kunveno okazinta la 18-a de marto 2026-a en “De Uitwijk”, Eindhoven je la 20-a horo.

Ĉeestantoj: Ronaldo (el Nimego), Frank, Ronald, An, Giulio, Ralph, Marije, Monique, Rob (9).
Sciigis neĉeeston: Neniu (0).

Raporto pri la antaŭa kunveno

Monique laŭtlegis la antaŭan kunvenan raporton.

Komunikoj

La programo por la resto de la jaro estas la jena:

• Aprilo: Ralph - Malnovaj filmoj de EKE
• Majo: Rob - Koloraj rakontoj
• Junio: An - Diskuto pri la klimatŝanĝo
• Septembro: Ĉiuj - Travivaĵoj en la someroj monatoj
• Oktobro: Mareje - Temo Anoncota
• Novembro: Monique - Festotagoj en la vintro
• Decembro: Ĉiuj - Zamenhof-vespero

• Hodiaŭ (18 de marto) ni (An, Giulio, Ralph kaj Monique) preparis kelkajn aferojn por la kultura tago de sabato, la 13a de junio en Veghel. Ni promenis en la Geerbos. Ni rigardis la lokon por tagmanĝo kaj la salsan laborejon (danco). Ni diskutis pri la kostoj de tagmanĝo kaj la ekskurso al la ĉokolado fabriko.
• Praktikaj informoj: Por la tuta tago vi pagas 28 eŭrojn, se vi estas membro de Esperanto Nederland. Se vi ne estas membro, vi pagas tridek eŭrojn. Tio inkluzivas tagmanĝon kaj dancadon. Por la vizito al la ĉokolado fabriko vi pagas kroman dudek kvin eŭrojn. La vespermanĝo vi pagos mem.
  Kie? En Veghel, Zalencentrum Van de Burgt Prins Willem Alexander Sportpark 5, 5461 XL Veghel.
  Kiam? La 13an de junio de 2026 de la 11a ĝis la 17a horo.

Venontaj eventoj:

• 22 marto 11-17 horo: Ludtago de NEJ. Loko: Roterdamo, Nieuwe Binnenweg 176.
• 11 aprilo 13 horo en Utrecht: Ĝenerala Asembleo de Esperanto Nederland en Utrecht
• 31 de majo: Limbuga Tago en Hechtel-Eksel.
• La Beneluksa Kongreso kiu okaziĝos en De Haan, Belgio la 24-an ĝis la 28-an de septembro.

Programo: La Ruĝa Fadeno

Frank prelegis pri teksaĵoj.
Kiel teksaĵoj interplektiĝis kun homa historio. La libro: La ŝtofo de civilizacio de Virginia Postrel estas tre rekomendinda.
La prezento La Ruĝa Fadeno montras kiel teksaĵoj profunde interplektiĝis kun la historio de la homaro, ekde prahistoriaj kordoj ĝis moderna bioinĝenierado. Ĝi komenciĝas per la plej fruaj fibroj kaj kordoj, trovataj jam antaŭ 40.000–50.000 jaroj, kaj klarigas la ĉefajn fontojn de fibroj: lino, kotono, lano kaj silko. La prezento ankaŭ priskribas la bazajn procezojn de ŝpinado kaj teksado, emfazante ke ili estis laborintensaj, teknikaj kaj kulture gravaj en preskaŭ ĉiu socio.
Poste la aŭtoro montras la historian kaj ekonomian valoron de teksaĵoj dum la Industria Revolucio. Teksaĵoj estis multekostaj, facile komerceblaj kaj esencaj por urba prospero en regionoj kiel Flandrio, Brabanto kaj norda Italio. La Silka Vojo kaj la mediteranea komerco helpis disvastigi ne nur fibrojn kaj ŝtofojn, sed ankaŭ pigmentojn, desegnojn kaj sciojn. Aŭtomatigo, ekzemple per la Jacquard-mekanismo kaj la cotton gin, profunde ŝanĝis la produktadon kaj la sociajn rilatojn ĉirkaŭ laboro.
Fine la prezento ligas teksaĵojn al arto, matematiko, komputiko kaj kemio. Teksado rilatas al simetrio, proporcioj kaj eĉ al la duuma sistemo; la Jacquard-mekanismo influis programeblajn komputilojn. Modernaj sintezaj fibroj, pigmentoj kaj medicina uzo de silko montras, ke teksaĵoj restas gravaj ankaŭ en la estonteco.

 

Raportis: Monique

• Superrigardo pri ĉiuj raportoj