Raporto: oktobro 2026
Temo: Kvizo pri urbaj vidindaĵoj.
Dato: Kunveno okazinta la 21-a de oktobro 2026-a en De Uitwijk, Eindhoven je la 20-a horo.
Ĉeestantoj: An, Mareje, Rob (3).
Sciigis neĉeeston: Giulio, Monique, Ralph, Ronald (4).
Raporto pri la antaŭa kunveno
An laŭtlegis la raporton pri septembro.
Komunikoj
- Ni ricevis helpopeton el Afriko; la mesaĝon ni plusendis al la membroj.
- Rob partoprenis (kiel kutime) en KoKoLoRES, komence de oktobro.
- Ni ricevis mesaĝon de Jasper, kiu interesiĝas pri EKE sed kantas en la vesperoj de niaj klubkunvenoj.
La temo
Pro tio ke ni estis nur triope, ni decidis ŝovi la kvizon al venonta kunveno, kaj anstataŭe havi liberan paroladon.
- Mareje rakontis pri siaj someraj travivaĵoj. En la somero ŝi faris biciklan feriadon en la orienta partto de la lando. La programon plenigis biciklado kaj vizitoj al diversaj muzeoj. La vizito al la tiuregiona kokino-muzeo estis “terure agrabla”. Aliaj notindaj muzeoj temis pri te-potoj kaj mustardo. Ankaŭ estis translima ekskurso al la Germana urbo Xanten, kie troveblas Romiaj elfosaĵoj.
- Rob rakontis kiel lin surprizis dum la Nimegaj marŝoj lia fratino, kiu sidis apud la vojo en la tria tago de la evento.
- Post tio ni ankoraŭ parolis pri dancado, balo kaj UK-oj.
Je la 22.00 h. ni adiaŭis.
Raportis: Rob